Aurtengo gaia MUGIKORTASUN IRAUNKORRRA izan dugu. Mugikortasun iraunkorra kontzeptua ulertu eta horren aldeko jarrerak sustatzeko, gaiarekin lotutako hainbat atal landu ditugu Arrasateko ikasleekin, guztira 2.378 ikasle, hain zuzen ere.

• Gaur eguneko mugikortasun ohiturek sortzen dituzten ondorioak ezagutu ditugu (klima aldaketa, ekosistemen suntsipena, arriskua, bizi kalitatean duten eragina…). Bereziki, arrasatearron ohituretan zentratu gara.
• Gaur eguneko zein antzinako garraiobideen alde on eta txarrak.
• Arrasateko garraio-azpiegiturak aztertu ditugu.
• Arrasate herria nola antolatuta dagoen ikusi dugu (kaleen egitura).

Eta atal horiek lantzeko, hauek izan dira ikasleekin egin ditugun ekintzak:

• Esperimentu eta behaketaren bidez, bertatik bertara ikusi ahal izan ditugu, gaur eguneko mugikortasunak sortzen dituen ondorioetako batzuk.
• Arrasateko kale desberdinak aztertu ditugu eta mugikortasun jasangarriaren ikuspuntutik baloratu.
• Ikasleek eskolara oinez joateko dituzten bide posibleak aztertu ditugu. Kontutan hartu ditugu, bide horietan dauden alde positiboak eta hobetu beharrekoak.
• Arrasateko ikastetxe desberdinetako sarrerak aztertu ditugu. Mugikortasunari dagokionez, eskola ingurua ikasleentzat egokia den edo ez baloratu dugu.

PLENOKO DOKUMENTUA