Abariztiak (Quercus coccifera): abariztia da haritzaren eta artearen ahaide mediterraneokoa. Haien populazioak nahiko hedatuta daude Arabako eta Nafarroako hegoaldean, eta Ebroko arroan, baina Gipuzkoa eta Bizkaian populazio bi bakarrik ezagutzen dira: Serantes mendian (Santurtzi) eta Arrasateko hau, Larragain inguruan.

Landazabal atlantikoa: ekosistema konplexu eta aberatsa da, giza jarduerak sortua baserri inguruan, landa eta soroak heskaiak mugatuta dituena. Garai batean Arrasaten paisaia nagusia izan zena gaur egun bihurtu da altxor preziatu, ondo gorde eta zaindu beharrekoa.

Artadi kantauriarra (Quercus ilex): klima mediterraneoari lotutako baso itxia dugu, gorde dena gainazaleko lurzoruetako eremuetan. Horri lotuta daude klima mediterraneoko espezie tipikoak, adibidez endalaharra (Smilax

aspera).

San Esteban eliza: sabaia eraiki zuen Juan Bautista de Salturri hargin maisuak 1609an; aldare nagusia, berriz, Antonio Antiak eta Manuel Olaranek 1763an. Aurrealde erromanikoa du. Jaiak abuztuaren 3an ospatzen dira.

Labaderoa: XIX. mendearen bukaera arte arropak ibai ertzetan garbitzen ziren. Emakumeek, erreka ertzetan makurtuta, lan nekagarria egiten zuten. Labaderoak eraiki zituztenean lan baldintzak asko hobetu ziren. Udala auzoko labadero nagusia da, XX. mende hasieran egina, orduko auzo labadero gehienak bezalaxe.