SANTAMAINAKO URTEURRENA OSPATU DUGU

Kaixo kaixo Santamainatik!

Urtero lez, azken hiruhilekoarekin batera iritsi zaigu gure ludotekako urteurrena ospatzeko ordua.

Horretarako, lehenik eta behin, ludotekako erabiltzaileekin asanblada bat egin genuen, urteurrenean ze ekintza egin nahi zituzten denon artean adosteko.

Behin ekintzak adostuta, sukaldaritza saioa egin genuen egun horretarako, denontzako gaileta goxo goxoak egiteko.

Eguna iritsi zenean, txoko ezberdinak antolatu genituen, hala nola, aurpegi margoketarako txokoa, mural margoketa eta just dance. Horretaz gain, eguraldi eguzkitsuari esker kanpo espazioaz gozatzeko aukera paregabea ere izan genuen.

Beste ludoteketako haurrak iritsi zirenean, festari hasiera eman genion eta gure erabiltzaile nagusienen laguntza izan genuen ekintza ezberdinak aurrera eramateko.

Arratsaldea borobiltzeko, guztion artean prestatutako jaki goxo goxoak dastatzeko tartea hartu genuen.

Oso arratsalde polita izan zen eta izugarri gozatu genuen!