Okendoko urteurrena ospatu dugu!

Kaixo kaixo Santamainatik!

Aurten ere Okendoko ludotekan izan gara urteurrena ospatzen bertako eta Usaetxeko ludotekako laguntxoekin batera.

Beti egin ohi dugun bezala, ludoteka bakoitzean bertara eramateko jakiak prestatu genituen aurreko egunean. Santamainako ludotekakook txokolatezko palmeratxoak prestatu genituen, Usaetxeko laguntxoek aldiz bizkotxo ederra eta Okendoko erabiltzaileek sandwitxak prestatu zituzten guztiontzat! 

Eguraldiak lagundu zuenez, Azoka plazan elkartu ginen urteurrena ospatzeko eta prestatutako jaki goxoak dastatzeaz gain, argazkiak ateratzeko photocall-a prestatu zuten Okendokoek, eta honetaz gain, aurpegia margotzeko aukera ere izan genuen.

Gainera, ospakizunari amaiera bikaina emateko, Okendoko erabiltzaileek prestatutako dantza zoragarri batez gozatzeko aukera izan genuen.

Ederto ibili ginen!!