LUDOTEKAK HERRIAN ZEHAR

Irailaren 17an (asteartea) eta irailaren 19an (osteguna) Arrasateko auzo ezberdinetara joan gara ludoteketako hezitzaileak ludotekak irekita daudela herriari jakinarazteko. Asteartean, Txaetako jolas parkean kokatu ginen eta ostegunean Musakolako matxinsaltoaren parkean. Bertara hainbat eta hainbat material eta jolas eraman genituen haurrentzat, esaterako: mural erraldoia, eraikuntzak, musika, slackline-a, sukaldeko materiala, etab.

Haur pilatxo bat gerturatu dira bi egun hauetan eta oso arratsalde aberasgarriak bizi izan ditugu guztiok batera. Ludotekako informazioa eskeini diegu gerturatu diren familiei.

Hurrengo astean, asteartean zehazki, San Andresera gerturatuko gara ludoteken zabalkundearekin jarraitzeko eta amaitzeko. Beraz, arratsalde on bat igarotzea nahi izanez gero eta ludoteketako informazioa jaso nahi izanez gero, gerturatu guregana!