Kaixo kaixo Santamainatik!

Kaixo kaixo Santamainatik!

Azken aste hauetan ekintza ugari egin ditugu musakolako gaztetxokoan ludotekako helduenekin: Hezitzaile baten urtebetetzea ospatu dugu, tela akrobatikoekin ibili gara, gaztetxoko ondoko kantxan saskibaloian jolastu dugu, sukaldean bizkotxoa egin dugu...Honetaz gain, gazteekin auzoko liburutegira joan eta liburuzainak gomendatutako pelikula bat (Matilda) hartu eta gaztetxokoan ikusi genuen.

Bestalde, auzoko jaiak ospatzeko tartea ere hartu dugu. Nahiz eta aurten ez diren jaiak beti bezala ospatu, auzoan ez da girorik falta izan, ezta ludotekan ere!

Talde batekin paperezko hegazkinak egiteko nahia erakutsi zuen eta horiek egiten ikasteko liburu bat hartu genuen liburutegitik eta gustora ibili ginen!

Buztinarekin eskulanak egiteko tartea ere hartu dugu ludotekan! Zelako artistak!