IKASTURTE BERRIA SANTA MARINAN!!
2019/09/19
Kaixo kaixo Santamañatik!
Ikasturte berriarekin eta eguraldi eguzkitsuarekin batera… gure proiektutxoak ere aurrerantz doaz!!!!!! Eta albiste zoragarri batekin gatoz. Kide berri bat dugu gure artean. Ongi etorri Iñigo!!!
Sorpresa ederra hartu genuen ateak ireki genituenean… tomatetxo gorritxo goxoak gure ortuan. Lana izan genuen haiek batu eta belar txarrak kentzen. Hala ere, gogotsu aritu ginen eta ortua txukun-txukun jarri genuen.
Bestalde, eguraldi eguzkitsua aprobetxatuz, egunero ortuko espazioan aritu gara jolas desberdinetan: haurrek zirkuitu desberdinak eraiki dituzte, karaokeak eta ikuskizunak antolatu dituzte, lokatzgunean topera aritu dira…
Beraz, ANIMA ZAITEZTE! Irailean zehar ate irekiak ditugu eta!
Gogoratu, bihar, irailak 20, Santamainako zabalkundea izango dugula auzoan zehar. Asteartean, irailak 24, Usaetxeko zabalkundea egingo dugu San Andres eta Erguin inguruan. Azkenik, datorren ostegunean, irailak 26, Okendoko zabalkundea izango da eta erdialdeko kale zein parkeetan arituko gara herria girotzen.
EZ GALDU AUKERA PAREGABE HAU!!!