Ekintzaz beteriko asteak

Kaixo kaixo Santamainatik!

Azkenaldian, ekintza ezberdin ugari egin ditugu ludotekan.

Alde batetik, kanpo espazioa eraldatzeko parte hartze saio bat egiten hasi gara. Horretarako, kanpo espazioko plano handi bat egin dugu eta bertan talde ezberdinetako haurren nahiak eta ideiak jasotzen hasi gara. Hurrengo pausua, denon artean, ideia horietako batzuk hartu eta horiek gauzatzea izango da.

Honetaz gain, Makedo eraikuntza jolasarekin ere denbora dezente eman dugu. Etxeak sortzen eta margotzen ibili gara haurrekin batera.

Gainera, eguraldiak lagundu digun egunetan, kanpo espaziora irten gara ekintza eta jolas ezberdinak egitera. Arratsalde batean gainera, buru handi bat sortu eta honekin jolasten ere aritu ginen. Hankapaloen gainean ere ibili gara.