Azkenaldi honetan ekintza ugari Usaetxen
2019/01/31
Azkenaldian ludotekako lagunok ekintza ugaritan murgilduta ibili gara.
Erguineko Gazte Txokora txango ugari egin dugu, haurrek hala eskatuta. Bertan ederto ibili gara sukaldaritza tailerretan (patata tortila sukaldatzen, Sanpastela egiten...). Gainera dantzarako tartea ere izan dugu, eta aukera izan dugu Just Dance-n barruan dugun energia taularatzeko.
Ludotekako txikienekin gure txontxongilo propioak egiten ere ibili gara eskura ditugun materialak erabiliz. Eta txontxongiloekin antzezteko, agertokia sortzen ere hasi gara!
Aurreko egubakoitzean Okendoko ludotekaren urteurrena zela eta, bertara ere hurbildu ginen ikuskizun zoragarri eta merendola goxo-goxoaz disfrutatzera!
Aste honetan, ate irekiak ospatuko ditugu, eta Usaetxeko ludotekan aukera izango dugu guk prestatutako Sanblas opil ederrez gozatzeko; beraz... ANIMATU ETA ETORRI GUREKIN BATERA ONDO PASATZERA!!