EKINTZA BEREZIAK OKENDON

Kaixo kaixo Okendotik!

Okendoko ludotekan azken asteetan ez gara gelditu eta ekintza ezberdinez gozatzeko aukera izan dugu. 

Apirilaren 23an, kustomisazio tailerra egin genuen Okendoko ludotekan eta koloretako poltsa ederrak sortu genituen, zeinen artistak gure ludotekako haurrak!

Apirilaren 30ean, sukaldaritza tailerra egin genuen eta txokolatezko napolitana  goxo goxoak jan genituen.

Aurreko astean, eguraldi ona aprobetxatuz, herriko txoko askotarikoetan ibili ginen kanpo espazioaz gozatzen. Astelehenean eta ostiralean Monterronera joan ginen, izan ere, asko gustatzen zaigu bertan jolastu eta natur guneak eskaintzen dituen aukerak aprobetxatzea. Asteazkenean berriz, Musika Eskola alboko parkera egin genuen txangoa. 

Atzo, sukaldaritza tailerra eraman genuen aurrera, izan ere, gaur Santamainako urteurrenera eramango ditugu. Oloarekin eta platanoarekin egindako gailetak prestatu genituen, benetan itxura ederra dutela!

Zuk ere ludoteken parte izan nahi baduzu, gerturatu Okendora, Usaetxe edo Santamainara!