Badator gaba baltza aurten ere!

Kaixo kaixo Santamainatik!

Urtero bezala, aurten ere, hasi gara laster ospatuko dugun Arimen biltzarrerako motorrak berotzen.

Hori horrela, aste honetan zehar, hiru ludoteketan ekintza ezberdinak egin ditugu, eta nola ez, kukumarru ere bisitan etorri zaigu!

Alde batetik, sukaldaritza tailerra izan dugu eta kalabaza eta txokolatezko magdalena goxo goxoak prestatu genituen arratsalde amaieran  borobilean eseri eta elkarrekin dastatzeko!

Horretaz gain, eskulanak egiteko tartea ere izan dugu eta aurtengoan, saguzar hegalariak egin ditugu.

Gainera, gaba baltzeko pertsonai ezberdinen marrazkiak margotzeko aukera ere izan dute ludotekako haurrek eta apaingarri gisa ludotekan ikusgai jarri ditugu.

Gogoratu, ostegun honetan, Arimen biltzarrean elkar ikusiko dugula!!