Bagatoz bueltan!!

Badakizue zer diren gaztetxokoak?

Denbora librean dibertitzeko, deskantsatzeko, zure lagunekin egoteko eta beste gazte batzuk ezagutzeko lekuak dira; eta nola ez, denon ametsei forma emateko!

Arrasaten lau txoko dituzu aukeratzeko eta nahi beste aldiz sartu eta irten zaitezke haietatik. Laurak gustuko dituzula? Etorri zaitez ba! 

- Erguineko gaztetxokoa: Erguingo jolas parkearen parean dago. Kolorezko adreiluak ditu atarian. Sartu beldurrik gabe! (Erguin kalea,27) 

- Musakolako gaztetxokoa: gaztetxoko berria prestatzen den bitartean, auzoko alkatetza ondoko lokal baten biltzen ari gara (Maisu Aranbarri plaza, 3) 

- San Andreseko gaztetxokoa: auzoko jolas parkearen parean dago. Atearen gainaldean kartel bat ikusiko duzu. Hortxe gaude! (Kurtzetxiki plaza, 2) 

- Erdiguneko gaztelekua: Tren geltoki zaharraren eraikinean gaude, ospital ondoan. Etorri eta hor aurkituko gaituzu! (Nafarroa Etorbidea, 13B)

Animatu eta etorri gu ezagutzera!!

Aurrerago hezitzaileen inguruko berriak, egiten ditugun ekintzak...argitaratuko ditugu!