Albisteak
Garagartzako ibilgailuen garbitokiko ur kontsumoak % 522,3 egin du behera urtebetean, udalak zerbitzua mugatu zuenetik arrasatearrek bakarrik erabiltzeko
Arrasateko Udalak hainbat egokitzapen egin zituen bertan 2019ko abenduan: sistema bat jarri zen martxan ur kontsumoa neurtu eta erregulatzeko. Ezinbestekoa da Arrasaten erroldatuta egotea eta Mankomunitatearen txartela izatea. Era berean, erabiltzaile bakoitzak hileko litro kopuru mugatua du ibilgailua garbitzeko, hain zuzen 2.500 litro.
Udalak hauskortasun, mendetasun zein babesgabetasun egoeran dauden adinekoen arreta eta zaintza egingo du Hurkoa fundazioarekin elkarlanean
Udalak 14.262,30 euroko partida erreserbatu du 2021ean Hurkoa fundazioarekin eskuhartzeak aurrera eramateko, herritar zaurgarrienak babesteko
Arrasateko Udalak Vasco-Navarro bide berdearen seinaleak berrituko ditu
Udalak 12.033,00 euro inbertituko du, Gipuzkoako Foru Aldundiak finantzatuta. Seinaletika berriak barne hartzen ditu norabide seinaleek dituzten zutoinak (18 guztira) eta jarraipen balizak (5)
Arrasateko Udalak Musakolako kiroldegiko abonuen prezioak bere horretan mantenduko ditu 2021ean
Koronabirusaren eraginez Gipuzkoan abonatu kopuruak behera egin du 2020an. Arrasaten % 47,5 jaitsi da 2021erako kiroldegiko abonatuen kopurua, 2020ko datuekin alderatuta, eta jarri da Gipuzkoaren batez bestekoan.
Musakolako igerilekua zapatuan, otsailak 6, irekiko da
Joan den urtarrilaren 26an ekin zitzaien beiratea berrezartzeko lanei. Eremua behin atonduta, udala ohiko eskaintza ematen hasiko da Musakolako kiroldegian.
Arrasateko Udalak 195.600 euro bideratu du zuzeneko dirulaguntzetan herriko 91 ostalaritza establezimendurentzat
1.000 eta 1.400 euro arteko laguntzak izan dira hilabete bakoitzeko, langile kopuruaren arabera: 0-3 langile arteko 64 establezimendu lagundu ditu 128.000 euroz (1.000 € bakoitzari hilabeteko), 4-6 langileko 20 saltoki 48.000 euroz (1.200 € bakoitzari hilabeteko), eta 7 langile edo gehiagoko 7 saltoki 19.600 euroz (1.400/hilabeteko).
Zalduspen kokatuko da behin-behineko autobus geltokia aparkaleku guztiak mantenduz, Ekobulebarraren eraberritzea amaitu artean
Geltoki berria apirilaren 1etik aurrera jarriko da abian. 6 autobus hartzeko gaitasuna izango du eta 3 markesinez osatua egongo da. Ibilbide luzeko autobus guztiak bertan geratuko dira: Donostia, Gasteiz (zuzenekoa), Bilbo eta Loiuko aparkalekua. Gainerako linea guztiek geldialdi bat egingo dute bertan.
Arrasateko Udalak herriko ingurumen naturala mantentzeko duen konpromisoa berretsi du Larragain elkartearekin hitzarmena berrituz
Udalak eta Larragain elkarteak hitzarmena sinatu dute Kurtzetxiki mendia elkarlanean kudeatu eta finantzatzeko.
Euskaraldiaren zozketaren irabazleak
Euskaraldiaren bigarren edizioari amaiera emateko, zozketa bat jarri zuen martxan Arrasateko Euskaraldiko batzordeak , Euskaraldian martxan jarritakoa ez dadila gelditu! lelopean eta Arrasateko berbak proposatzea helburu hartuta.
Udalak abian jarri proiektu berritzaile bat lokal hutsetan negozio berriak sustatzeko
11 lokalek hartuko dute parte. Negozio proiektuak panel batzuetan irudikatu dira, eta erakusleiho itxura eman. Modu horretan, erakusleihoan ikusi dezakegu lokal horretan zer jarduera garatu daitekeen, ideiak emate aldera merkataritzako proiektuak hasteko gogoarekin egon daitezkeen ekintzaileei.
Udalak 66.610 euroko inbertsioa egin du 2020an Arrasateko 60 gazteri etxebizitza alokairua ordaintzen laguntzeko
Dirulaguntzaren helburua da Arrasateko 18-35 urte bitarteko gazteei etxebizitza alokairua ordaintzen laguntzea, emantzipazio bidean laguntzeko eta etxebizitza alokairua sustatzeko.
Arrasateko Emakume Txokoak 18 ikastaro antolatu ditu emakumeen jabetze pertsonala eta kolektiboa sustatzeko
Otsailetik maiatzera bitarteko 18 ikastaroen helburua da lanketa pertsonalaren eta kolektiboaren bidez emakumeak ahalduntzea eta elkarren arteko sareak jostea.
Martxoak 8ko XXIV. Kartel Lehiaketa abian
Aurtengo edizioko leloa da Inor kanpoan geratu ez dadin, feminismoa aurrera!
Alde Zaharreko Plan Berezian aurrerapausoa, Herritarren Aholku Kontseiluak baloratu ostean
24 proposamen egin dira Alde Zaharreko Plan Berezia berrikusteko, eta horietako 19rekin ados agertu da Herritarren Aholku Kontseilua; beste lau proposamenetan kontseiluak ez du iritzi bateraturik, eta ez da azaltzen ez alde, ez kontra.
Udalak lan batzuk abiatu ditu Zarugalde kalean espaloia irisgarriago egiteko
Espaloi goratua eraitsi egingo da eta Zarugalde kaleko 40 eta 42 eraikinen ataria zero sestrara jaitsiko da.
Aurten radarraren 2020ko gerakina (50.000 euro) Covid-19ari aurre egiteko erabiliko da.
% 113 egin du gora kopuruak: Nafarroa eta Arrasate etorbideetan izan da arau-hauste gehien, 807 eta 263, hurrenez hurren; Uribarri etorbidean 152 arau-hauste izan dira, eta Garibaien bat bera ere ez.
Musakolako kiroldegian igerilekuko beiratea urtarrilaren 28an hasiko dira jartzen
Abenduan egin zen bezala, urtarrilean ez zaie kuotarik kobratuko Musakola kiroldegiko hezeguneko bazkideei
Urtarrilaren 25era arte epea zabalik Arrasateko Udalaren ostalarientzako zuzeneko dirulaguntzak eskatzeko
Zuzeneko laguntzak 1.000 eta 1.400 euro artekoak izango dira, itxita egondako hilabete bakoitzeko. Eskaerak egin daitezke BAZen edo tramitazio elektronikoz Herritarren Atarian
Gurasoentzat hiru tailer adimen emozionalaren inguruan
Adimen emozionalari buruzko hiru tailer izango dira guztira, Arrasateko Udaleko Prebentzio zerbitzuak antolatuta, gurasoak euren eta seme-alaben emozioei arreta jartzen trebatzeko.
Arrasateko Udalak 28 langabe kontratatu ditu Enplegu Sustapen Planaren barruan, egokitua Covid-19ak sortutako ingurune sozio-ekonomiko berrira.
Aurten, Covid-19aren krisia dela medio, esfortzua bikoiztu egin du udalak, kontratu kopurua handituz. 28 kontratuetatik: 8 herritarren laguntzaile, 7 baso-erreka langile, 4 lorazaintza peoi, 5 eraikin garbitzaile, 2 pintore; eta beste bi kontratu gazteen laneratzea bultzatzeko enplegu planaren barruan.
Zuhaitz Eguna ospatuko da Arrasaten urtarrilaren 16an
VIII. Zuhaitz feria egingo da 8:00etatik 14:00etara Seber Altube plazan, eta 400 zuhaitz inguru landatuko dira herritarrekin Etxezarreta parkean.
Familian jolasean
Aurten ere Udaleko Gazteria sailak Familian Jolasean ekimena abiatuko du. Ekimenaren helburuetako bat da familiei aukera eta guneak eskaintzea gurasoen eta seme-alaben arteko harremanez era ludikoan gozatzeko.
Gabonetako erakusleihoetako sariak
Eman dira gabonetako erakusleihoetako sariak. Aurten sei sari izan dira.
Gabonetako erakusleiho lehiaketako bozketan parte hartzeko epea ostiral honetan, abenduak 18, amaituko da
“Herritarren saria” eta “haur eta gazteen saria” bozka udal webgunean egin behar da.
Ikasleekin Arrasateko ondare naturala ezagutzen eta bere balioa nabarmentzen
Udazkenean ibilaldi batzuk egin ditugu gure inguruko ondare naturalak herritarroi zer zerbitzu eskaintzen digun jakiteko.
Arrasateko Udalak zuzenean dirulaguntzak emango dizkie ostalariei
Ostalariekin eguen arratsaldean, abenduak 10, bilera izan ostean, neurri berriak partekatu ziren: 1.000 eta 1.400 euro artean itxita egondako hilabete bakoitzeko, eta ur, zabor eta terrazen tasen hobarien jarraipena, eta terrazen azaleraren malgutzearen mantentzea 2021ean; baita ere, terrazetan egindako inbertsioetarako laguntzak.
Bizipenen (H)arigunea eta Euskaraldiaren bukaera ekitaldia
Euskaraldiaren bigarren edizio hau amaitzear da eta merezi duen bukaera emango diogu Arrasaten. Eguenean hainbat bizipen jasoko ditugu, gure herrikideek izan dituztenak Bizipenen (H)arigunean Euskaraldiaren barruan, euskarari lotuak. Egubakoitzean, bukaera ekitaldia egingo dugu Kulturateko klaustroan.
Arrasateko Udalak 56.500 euro bideratu du 2020an Garapenerako Gobernuz Kanpoko Erakundeentzat
11 elkartek egin dute eskaera. Dirulaguntza hauen xedea da gobernuz kanpo erakundeen lana babestu eta sustatzea, garabidean lankidetza programak antolatu eta lortzeko, garatzeko bidean dauden herrialdeetako biztanleen baldintza sozio-ekonomikoak hobetze aldera.
Gabonetako argiak egubakoitzean, abenduak 4, isiotuko dira, eta Santamasetako erakusleiho lehiaketan izena emateko epea zabalik da jada
Lehiaketan parte hartzeko, establezimenduek izena eman beharko dute abenduaren 9a bitarte. Herritarrek bozka emateko epea: abenduaren 10etik 18ra arte. Berrikuntzekin dator: 4. sari bat emango da, eta “haur eta gazte”en saria sortu da.