Albisteak
Arrasateko Udalak 725.424 euro bideratuko du 2021ean herriko eragileentzako dirulaguntzetarako
Eskaerak apirilean aurkeztu daitezke arrasate.eus-en eta BAZen, Biztanleen Arreta Zerbitzua.
Apirilaren 2ko azoka txikia martxoaren 31ra aurreratuko da, Aste Santuko jai egunak direla-eta
Azoka hori, orain arte bezala, indarrean dauden higiene eta segurtasun neurriez egingo da, % 50eko edukierarekin, saltzaileen zein herritarren osasuna eta segurtasuna bermatzeko.
Arrasate parte hartzen ari da 'Gipuzkoako Azoken Sarea' egitasmoan, herriko azoka sustatzeko
Herritarrek prozesuan parte hartzeko, aukera bi zabaldu dira: inkesta bat betetzea udalaren webgunean, edo inkestak betetzea, eskuragarri paperean azokako saltokietan. Herritarrek, interesik izanez gero talde dinamikan parte hartzeko, mezu bat bidali dezakete merkatuplaza@eurogap.es helbide elektronikora
Karapaixoa protagonista martxoaren 20an, 3. zapatuko azokan
Udal esku orri bat banatuko du karapaixoa zelan egin jakiteko, errezeten eta osagaien informazioarekin. Azokako bezeroen artean zozketatuko dira 12 karapaixo eta hileroko otarra
Obenerrekako frontoian egongo den Parkour Parkearen diseinua herritarrek aukeratuko dute
Martxoaren 18tik apirilaren 11ra luzatuko da partaidetza prozesua. Udalak 3 diseinu prestatu ditu. Hona hemen zer bide dagoen bozka emateko: BAZen eta Kulturaten, eta online www.arrasate.eus atarian.
Udalak parte hartze prozesu bat zabaldu du Tokiargi jubilatuen etxeko plazan arrasatear artista ugarik margotuko duten horma irudia aukeratzeko
Hiru proposamen landu dira, eta auzoak berak erabakiko du diseinurik gogokoena. Jada zabalik da bozkatzeko epea, eta martxoaren 26ra arte luzatuko da.
Udalak abian jarri du Natura Ibilbideen Sareko bideak eta bidezidorrak garbitzeko lanen adjudikazioa
Zehazki, 49 km-ren mantentze lanak egingo ditu, aipatutako sarea eta sare horrek biltzen dituen bide eta bidezidor guztiak behar bezala bermatzeko.
Immigrazioa hizpide martxoaren 24an Kulturaten
Udalak hitzaldi bat antolatu du immigrazioari buruz martxoaren 24rako, Kulturaten: “Euskara eta immigrazioa”.
Arrasateko Udaleko Kirol Zerbitzuak ipar martxako hastapen ikastaroa eskainiko du martxoaren 24an eta 25ean
Izen ematea Musakolako kiroldegiko harreran egin behar da.
Udalak aldaketak egingo ditu Erregebidea-Bedoña ibilbidean, ingurunearen erakargarritasuna eta balio naturala indartzeko
Horretarako, egungo ibilbidearen barruan, Kortaburuko gaina sartuko du, Etxezarreta parkeko gailurrik esanguratsuena, eta, horrela, aukera egongo da parkeko biodibertsitate aberatsaz eta Kortaburuko tontorreko paisaia ikusgarriaz gozatzeko.
Martxan da Herri Eskolako Erguin eraikineko komunak berritzeko proiektuaren adjudikazio prozesua
Lanen lizitazioaren oinarrizko aurrekontua 156.897,11 eurokoa da (BEZ barik), eta asmoa da obrak adjudikatu eta 8 asteko epean amaituta izatea
Garibai eta Nafarroa etorbidea, eta San Juan etxe multzoaren eta ibaiaren artean Etxaluze-Maala Ekobulebarraren eraberritze lanak aurreratuta
Dagoeneko Garibai 16aren eta errepidearen arteko tartea erabilgarri dago oinezkoentzat Aldai parketik jaisten diren eskaileratako zebra bideraino (Garibai 21). Aldi berean, Nafarroa etorbideko bus geltokia egokitzeko lanak amaitzear dira, hiri altzarien faltan
EPEA LUZATU DA ‘diruzain’ lanpostua bitartekotasunez betetzeko hautaketa prozesuan parte hartzeko
10 egun baliodun gehiago eskabideak aurkezteko
Arrasatek Bizikidetza Plan bat osatu du pertsona migratzaileen harrera eta gizarteratzea bermatzeko
Helburua da Arrasaten tratu zein aukera berdintasuna bermatu eta bultzatzea, edozein delarik herritarren jatorria.
Gurasoentzako adimen emozionalari buruzko tailerra
Udal Prebentzio Zerbitzuak 13-18 urte bitarteko seme-alabak dituzten gurasoentzako adimen emozionalaren inguruko tailerra antolatu du
Arrasaten ekintza egitarau oparoa Emakumeen Nazioarteko Egunerako
“Inor kanpoan geratu ez dadin” leloarekin, Arrasateko Udalak hainbat ekintza antolatu du herriko talde eta eragile batzuekin elkarlanean, besteak beste, Martxoak 8ko kartel lehiaketaren erakusketa, antzerkia eta liburu baten aurkezpena. Martxoaren 8an bertan, hainbat elkarretaratze deitu dira goizean eta arratsaldean.
Kulturola eraikina birgaitzeko lanak 2021aren amaieran amaituko dira
Kulturola eraikinaren ondare babesaren mailak, eraikina dagoen inguruan lursail kutsatuak egoteak eta, bereziki, Covid-19ak obra garatzeko sortu dituen eragozpen teknikoek gauzatze denbora luzatzea eragin dute. Halaber, efizientzia energetikoa handitzeko asmoz, proiektuaren hasieran ezarritako teknologia eguneratu da.
Arrasateko Udalak martxan jarri du informazio kanpaina bat Arrasateko etxebizitzetan energia fotovoltaikoaren instalazioa bultzatzeko
SHREC ekimen europarraren baitan, helburua da herritarrak sentsibilizatzea Arrasateko etxebizitzetan energia berriztagarria sortzeko instalazioen inguruan eta gaiaren inguruan informazio zuzena eta gardena eskaintzea.
Arrasateko udaleko Obra, Zerbitzu, Mantentze eta Auzoen batzordearen azalpen oharra
Udal zerbitzu teknikoek azterlan bat egin dute, 2019. urteari dagokiona, "Cespa, Arrasate Jardines" izeneko enpresak idatzia, udalerriko hainbat zuhaitzen egoerari buruz.
Ostalariek terrazetan inbertsioak egin dituztela-eta Arrasateko Udalak abian jarri du dirulaguntzen bigarren deialdia
• Lagunduko ditu 2020ko martxoaren 14tik 2021eko apirilaren 30era arte egindako material erosketak edo inbertsioak (toldoak, itzalkinak, jaimak, manparak, altzariak, berogailuak…). Enpresa edo aktibitate bakoitza gehienez, % 25 finantzatuko da, 2.000 euroko mugarekin. • Berraktibazio Planaren neurrien sortan jaso da ere terrazen azalera bikoiztea eta ordutegia zabaldu izana mantentzea 2021ean. • Udalaren helburua da Covid-19a dela-eta ezarritako itxialdian ostalaritza alorreko enpresa txikiei eta autonomoei laguntzea, haien biziraupena bermatzea eta enplegua babestea.
‘Diruzain’ lanpostua bitartekotasunez betetzeko hautaketa prozesua
Arrasateko Udalak hautaketa prozesua deitu du, ‘diruzain’ lanpostuaren plaza bitarteko funtzionario izaeraz betetzeko.
Merkemerkaua: otsailaren 25, 26 eta 27an
Otsailaren 25, 26 eta 27an aukera ederra izango dugu arrasatearrok Ibai-Arteren eskutik plan paregabea egiteko, udazken-neguko stock azoka ospatuko da eta; zapatuan haur eta gazteentzako ekimenak izango dira!!
Udalak eguazten honetan, otsailak 24, hasiko ditu Zalduspeko behin-behineko bus geltokia eraikitzeko lanak
Eguazten honetan, otsailak 24, hasiko ditu Zalduspeko behin-behineko bus geltokia eraikitzeko lanak
Udalak Deba eta Aramaio errekak garbitu ditu
Arrasateko Udalak Deba eta Aramaio erreken ubidean eta ertzetan pilatzen den zaborra batu eta jaso du, eta bertako zuhaixkak eta zuhaitzak mantendu
Emakume Txokoak “Bertsolaritzaren genealogia feministak” bertso saioa antolatu du otsailaren 25erako
19:00etan Kulturateko Areto Nagusian izango dira Ane Zuazubiskar, Alaia Martin eta Maider Arregi bertsolariak, Maite Berriozabal gai jartzailearekin batera.
‘Burgoseko Prozesua. Frankismoari epaiketa’ erakusketa otsailaren 18tik aurrera ikusgai izango da Arrasaten
‘1970-2020 Burgoseko prozesua. Frankismoari epaiketa’ egitasmoak garaiko 173 dokumentu eta testigantza erakusten ditu, eta Gipuzkoako Foru Aldundiak eta Aranzadi Zientzia Elkarteak antolatu dute, Euskal Herriko Unibertsitateko Giza Eskubideen eta Botere Publikoen Unesco Katedrarekin elkarlanean.
Arrasatek 'Begirada Adia' proiektua jarri du abian, bakardadearekiko komunitate proaktiboak bultzatzeko
Ekimen honetan, udalak eta SSI taldeak indarrak batu dituzte adinekoen artean bakardade eta babesgabetasun egoerak detektatzeko, ahalik eta lasterren jarduteko haien ondorio kaltegarriak konpontzen, eta eskuhartze sozialeko planak aktibatu dituzte, adinekoen beharrei erantzuteko
Abian da Mondragon City Challenge Ekintzailetza Kooperatiboko Nazioarteko Lehiaketa
Helburua da ekintzailetza kooperatiboko jokaerak sustatzea eta gazteei eredu kooperatiboaren balio bereizgarriak hurbiltzea, antzeko eredu batean oinarritutako enpresa proiektuak garatuta.
Arrasateko Udalak asteburuetako Gaztegunea Musakolara lekualdatu du behin-behinean, zerbitzua berregokitzeko, bizikidetzaren mesedetan
Gaztegunea eta haren kanpoaldea desadostasun gune bihurtu dira auzotarren, bizilagunen eta zerbitzuaren erabiltzaileen artean
SHREC proiektua garatzeko eta dinamizatzeko teknikaria kontratatzeko hautaketa prozesua
Arrasateko Udalak SHREC proiektuaren eduki teknikoen lanketaz arduratzeko eta horrekin lotuta Jasangarritasun Energetikoari buruzko 4/2019 Legean ezarritako zehaztapenak garatzeko teknikari bat kontratatuko du presazko izaerarekin.