Albisteak
Palestinaren aldeko kontzertu solidarioa antolatu dute Arrasateko hainbat eragilek eta Udalak elkarlanean
Azaroaren 30ean Monterron parkean egingo dira kontzertuak, eta 10€ ekarpen solidarioa egiteko aukera izango da.
Maitena Monroyk "Autodefensa feminista: más allá de aprender a decir no" liburua aurkeztuko du, Emakume Txokoaren eskutik
Azaroaren 12an, martitzenean, Maitena Monroy idazle bilbotarrak iaz argitaratutako Autodefensa feminista. Más allá de aprender a decir no (Autodefentsa feminista. Ezetz esaten ikasteaz harago) liburuaren aurkezpena egingo du, Arrasateko Emakume Txokoan, Debagoienako Guerreras elkarteak gonbidatuta. Arratsaldeko 18:30ean izango da aurkezpen solasaldia.
Emilia Larrea Sáez de Adana aitortuko du Arrasateko Udalak azaroaren 10ean, Memoriaren egunean
Aurten 46 urte betetzen dira Guardia Zibilaren bala galdu batek Emilia Larreari heriotza eragin ziola eta Arrasateko Udalak biktima bezala aitortu nahi du. Ekitaldia goizeko 11.00etan izango da Udaletxeko Osoko Bilkura Aretoan. Udaletik arrasatear guztiei gonbitea egiten zaie ekitaldira bertara daitezen.
Arrasateko landa lurrak erosteko prozesua egubakoitzean amaituko da, azaroak 8
“Bertako bioaniztasuna berreskuratzeko” erosiko ditu Udalak landa lurrak. Landa lurren jabeek beraien eskaintzak aurkezteko aukera izango dute azaroaren 8ra arte.
Arrasate gune tentsionatua izendatzeko txosten teknikoak idatziko ditu Udalak
Arrasatek gune tentsionatua izateko baldintzak betetzen dituela uste du Udalak. Txosten tekniko hauek idaztea izendapena jasotzeko lehen urratsa da.
Kotxeentzako aparkaleku gune berria sortuko du Udalak Zalduspen, ospitaleko obren eragina arintzeko
Espazio berri hau Oltan eraikina zegoen lekuan atonduko da. Ospitaleko obrak hastearekin batera zabalduko da kotxeentzako aparkaleku berria
Arrasateko Udalak bultzatutako prestakuntza inklusiboko enplegu proiektuko diplomak banatu dituzte
Plan honetan 10 pertsonek parte hartu dute eta formazioko ziurtagiri bikoitza lortu dute. Honek lan merkatuan konpetentzia gehiagorekin postulatzea ahalbideratuko die. Enplegu formakuntzako proiektua Arrasateko Udalak antolatu du eta Eusko Jaurlaritzak finantzatuta egon da.
Astelehenerako deituta dagoen garraio sektoreko grebak eragina izango du Arrasateko Herribusean
Eusko Jaurlaritzak %30eko zerbitzu minimoak ezarri ditu. Astelehen goizean jakingo da Herribuseko langileek greba egingo duten, eta zer nolako eragina izango duen Arrasaten.
Santamasetan salmenta eta talo postuak jartzeko izen-emate epea ireki du Udalak
Besteak beste, herriko txoko ezberdinetan, talo postuak, salmenta postuak eta barrakak jartzeko aukera izango da. Eskaerak egiteko azken eguna azaroaren 15 izango da.Sebero Altubeko postuetarako epea azaroak 22ra arte izango da.
Arrasateko Udalak kirol elkarteei zuzendutako formakuntza saioa antolatu du EKKO Eskola-Komunitatea-Kirola-Osasuna programaren inguruan
Arrasateko Udala, Arrasateko Herri Eskola, Arizmendi Ikastola, Leintza Eskola Kirola, Txatxilipurdi eta San Juan de Dios Ospitalea, elkarlanean dabiltza EKKO (Eskola-Komunitatea-Kirola-Osasuna) esku hartze komunitarioko proiektua garatzen.
Balorazio positiboa egin du Udalak Mugikortasun Planaren auzoz auzoko aurkezpenena
Parte hartze eta interes handia nabarmendu dute udal ordezkariek. Planari ekarpen eta iradokizunak egiteko aukera izango da abenduaren 19ra arte.
Udaleko Prebentzio Zerbitzuak, AGIPAD elkartearekin elkarlanean, gurasoentzako tailer bat antolatu du: “Mundu digitalean seme-alaben bidelagun” izenburupean.
Euskarazko tailerra dagoeneko martxan dago, eta orain azaroan hasiko den gaztelerazko tailerrean izena emateko epea zabaldu da.
4,1/2ko Eusko Label Pilota Txapelketako final laurdenetarako partidaren sarrerak salgai daude Buenuena eta Taupa tabernetan
Partida azaroaren 1ean, 17:00etan izango da, Arrasateko Uarkape frontoian. Ander Muruak B Serie 4,1/2ko final laurdenak jokatuko ditu.
Gazteentzako ikasteko gela autonomoa jarriko du martxan Udalak Kulturaten
09:00etatik 01:30era etengabe egongo da erabilgarri eta txartel elektronikoarekin sartu beharko da. Urriaren 28an txartelak eskatzeko epea irekiko da, eta azaroaren 4an jarriko da martxan zerbitzu berria.
Solasaldia: Haurdunaldi subrogatuen analisi feministak eta kuirrak
Solaskideak: June Fernandez: “Aingeruak eta neskameak. Haurdunaldi subrogatuen analisi feministak” liburuaren egilea eta kazetaria eta Borja Muñoz Arrastia (EHGAMeko kidea eta sexologoa). Urriaren 29an, martitzenean, 18:30ean, Kulturateko Areto Nagusian. Euskaraz
Udalak 146 bizikletentzako aparkalekuak eta bizikletak konpontzeko 3 gune berri jarri ditu
Guztira 73 arku jarri dira 11 gune berrietan, ohiko bizikletentzako 138 aparkaleku eta 8 kargako bizikletentzako.
Arrasateko Udalak dagoeneko onartu du arbolapeta eremuan kamioi dendetatik kaleko salmentak arautuko duen plegua
Eskabideak aurkeztu behar dira 15 egun naturaleko epean, iragarkia Gipuzkoako Aldizkari Ofizialean agertzen den hurrengo egunetik kontatzen hasita
Udal Gobernua eragile eta alderdiekin bildu da Udalatxeko gurutzearen inguruko informazioa partekatu eta adostasunak lortzeko
Udalak ez du aurreikusten gurutze berri bat eraikitzea Udalatx mendian, natur gune izendapena duelako 2016 urtetik.
Bertso-Pilota izango da estreinakoz Arrasaten datorren urriaren 26an
Sarrera doakoa izango da eta ekimena 18:00etan hasiko da. Euskal kulturaren ondare diren pilota eta bertsoa uztartzen ditu ekimen honek.
“Santamas 2024” kaleko salmenta lizentziak emateko prozedura arautuko duen plegua onartu du Udalak
Izena emateko epea urriaren 14 ean hasi eta azaroaren 6an bukatuko da
Markuleteko bidegorria itxiko da bihar eta etzi, FAGOR Ederlan enpresak bidegorri ondoko zuhaitzetan egin beharreko lanak direla-eta
Lanak urriaren 16an eta 17an egingo dira, 8:00etatik 17:00etara.
Udalak 5 langabe kontratatuko ditu
Lanbideren Enplegua Sustatzeko Programaren baitan
Jaizale jabetza publikokoa izango da aurrerantzean, Gorripideak Arrasateko Udalari dohaintzan eman ostean
Dohaintzaren baldintza bakarra, honen erabilera, proiektu sozialetara bideratzea izan da. Maider Morras alkateak eskerrak eman eta lokala “Arrasateko ehun soziala indartzeko” baliatuko dela adierazi du.
Sagarrarekin egindako produktuen dastaketa bertako produktuen azokan, urriaren 19an
Azoka urriaren 19an izango da Seber Altube plazan, 9:00etatik 14:00etara. Azokarekin batera, Sagarrarekin egindako produktuen dastaketa antolatu da.
Trafiko mozketa eta norabide aldaketa Etxetxikiak kalean, astelehenean, urriak 14
Etxe Txikiak kalean dauden arketak konpontzeko lanak egingo ditu Iberdrolak datorren astelehenean, hila 14. Ondorioz, kalea itxi beharko da eta norabide aldaketak izango dira bertako erabiltzaileentzat. Lanen iraupena 8:00etatik 15:00etara izango da.
Udalak 4 langabe kontratatuko ditu
Lanbideren Enplegua Sustatzeko Programaren barruan
Azken egunak 2025eko egutegiaren argazki lehiaketan parte hartzeko
Argazkiak bidaltzeko epea datorren martitzenean amaituko da, urriaren 15ean
Arrasateko landa lurrak erosteko prozesua ireki du Udalak, “bertako bioaniztasuna berreskuratzeko” asmoz
Landa lurren jabeek beraien eskaintzak aurkezteko aukera izango dute azaroaren 8ra arte
Nerabeen osasun mentala lantzeko jardunaldiak aurkeztu dituzte Udalak eta San Juan de Diosek
Jardunaldiak urriaren 18an izango dira, 9:00etatik 14:00etara, Kulturateko Areto Nagusian. Jardunaldiak doakoak eta irekiak izango dira pertsona guztientzat.
Dolu perinatalaren inguruko tabuaren apurketa: kontzientziazioa eta elkartasuna indartzen
Bi hitzordu garrantzitsu izango dira gaiari lotua, urriaren 15 ean elkarretaratzea eta 17an “Dolu Perinatala Ikusgai” ekimena JAMEn