Albisteak
Arrasateko Udalak ‘Arrasate Zeharkatuz’ ekimena abiarazi du, Arrasateko hirigintza modu parte hartzailean definitzeko dinamika
Ekimena martxan jarri da etorkizuneko Arrasateren hirigintza eredua herritarrekin batera eraikitzeko
Hondakinen kanpainako mural eta lelo lehiaketak baditu irabazleak
Lehaiketak egiten dira urtero, Debagoieneko Mankomunitateak eta Udalako Ingurumen Eskolak antolatuta, hondakinen arazoen kontzientziaziorako kanpainaren barruan.
Zinegoak Hedapena Arrasaten izango da, ekainaren 19an, Emakume Txokoaren eskutik.
Saioan gonbidatu berezi bat izango dugu: emanaldiko filmetako baten egile Alejandro Aguirrek “Precoz” filma aurkeztuko du saioan.
Udal gobernuak Lan Eskaintza Publikoa onartu du, langile publikoen behin-behinekotasuna % 38tik % 8ra jaisteko
Udaleko Osoko Bilkuran Lanpostuen Zerrenda onartu zen, eta 2021etik zuzendu barik zeuden akatsak zuzendu dira, legea betetzeko. Lan Eskaintza Publikoak deitzeko lehen urratsa izan da Lanpostuen Zerrenda onartzea. Gobernuaren arabera egonkortasunak zerbitzu publiko hobeago bat eskainiko dio herritarrari.
Zeuk iñ zeuk jan bazkarirako izen ematea gaur ireki da
Aurten berriz ere bueltatuko da Portaloira eta 1.000 pertsonarentzako lekua izango da.
Debagoieneko txakolina hemengo produktuen azokan, ekainaren 15ean
Azoka ekainaren 15ean izango da Seber Altube plazan, 9:00etatik 14:00etara. Azokarekin batera, Debgoieneko txakolina dastatu ahal izango da.
Ekainaren 15ean, udako denboraldiarekin batera, irekiko dituzte kanpoko igerileku eta ur parkeak
Abonu bereziak izango dira udan Musakolako kanpo igerilekuak erabiltzeko. Komeni da abonuak udako denboraldia baino lehen erostea, jende pilaketak saihesteko.
Badatoz Arrasate Kirol Sariak!
Jose Ignazio Elorzak ‘Joshe’ jasoko du Udalaren aipamen berezia. Berrikuntzen artean aurkitzen da herritarren saria bita banatzea: kirolari onenaren saria eta kirol talde onenari saria. Ekainaren 6tik 16ra bitartean edukiko dute arrasatearrek botua emateko aukera.
Gerakinaren zati handiena, ia 8 milioi eurokoa, azpiegituren inbertsioetarako gordeko du Arrasateko Udalak
Besteak beste, epe motzeko proiektu handietara bideratuko da: Iturripeko kiroldegia eta Amaia antzokia.
Sanjuanetako Kantu Afarian izena emateko epea zabalik ekainaren 12ra arte
Interesdunek izena eman dezakete izenemateak.arrasate.eus webgunean edo BAZen
San Juanetako ekitaldiak udaletxeko balkoitik ikusteko zozketan izena emateko epea zabalik ekainaren 10era arte
Interesdunek izena eman dezakete izenemateak.arrasate.eus webgunean edo BAZen.
80 urtetik gorakoei egingo zaien omenaldian izena emateko epea zabalik ekainaren 13ra arte
Interesdunek izenemateak.arrasate.eus webgunean edo BAZen eman dezakete jada izena.
90 jardueraz osatutako egitaraua aurkeztu dute San Juan jaietarako
Ekainaren 14an hasi eta hilaren 30era bitarteko egitaraua izango da. Berrikuntzen artean daude Gazte Olinpiadak, ‘Zeuk iñ zeuk jan’ Portaloira itzuliko dela, haurrentzako puzgarriak, pilota partiduak eta nerabeentzako bazkaria.
Emakume Txokoak ikasturte amaierako topaketa egingo du ekainaren 7an
Topaldi-jaialdia Emakume Txokoan izango da, 18:00etan.
Arrasateko Udalak Uarkaperen 25. urteurrenaren egitaraua aurkeztu du
Ekainetik abendura bitarteko egitaraua antolatu du, eta pilota, kultura eta gimnasia uztartu.
Ingurumen Eskolak “Energia hiri jasangarrian” erakusketa aurkeztuko du ekainaren 5ean.
Erakusketa ekainaren 4tik 16ra egongo da ikusgai Kulturateko klaustroetan.
Udaleko Osoko Bilkurak oraindik aldatu barik zeuden azken tasak eguneratzea bozkatuko du datorren astean egingo den osoko bilkuran
2024-2025 ikasturteko ikastaroek % 3ko igoera izango dute, INEk 2023ko apiriletik 2024ko apirilera ezarritako hazkundea, hain zuzen ere, eta eragina izango du ingurumen hezkuntzako, euskaltegiko eta kirol ikastaroetako tasetan. “2015-2023 epealdian KPIa % 21 igo den bitartean, tasak ez dira igo, eta, horren ondorioz, zerbitzu horien defizit ekonomikoa geroz eta handiagoa izan da” Ogasun batzordeburuaren esanetan.
Haurren Kontseiluak ikasturteko azken saioa egin zuen joan den egubakoitzean Monterron parkean
2023-2024 ikasturteko ibilbidearen balorazioa eta ospakizun jolasak egin ostean, hamaiketako batekin amaitu zuten goiza.
Arrasateko Udalak UDAIXE 2024 aurkeztu du, nerabeei zuzendutako udako egitaraua
Uztailaren 1etik 18ra izango da, eta egitaraua nerabeekin batera osatu da
Arrasateko Udalak jakinarazi du zein suertatu den Mondra&Roll jaialdirako 100 sarreren irabazle
Irabazleek, sarrerak, BAZen jaso beharko dituzte, bihartik aurrera
Arrasateko Udalak, barraken ordez, puzgarriak eta jolasak jarriko ditu San Juanetan
Aurten Arrasateko Udalak esfortzu gehigarria egin du haur programazioa indartzeko. San Juan jaiak iraun bitartean, egunero izango da haurrentzako entretenimendu egitarauren bat. Egitarau osoa, baita haurrena ere, ekaineko lehen astean iragarriko da.
Hasi da atzera kontaketa: 2024ko San Juan jaiek badute kartel irabazlea
Lehiaketa Eider Abarrategi Garay arrasatearrak irabazi du, “Sustraiak errotuz, San Juanak bultzatuz” lanarekin.
Zaldibarren egoera txarrean dagoen zuhaitz bat botako dute bihar, eguena, segurtasunagatik
Zuhaitza moztuko da eguen honetan, hilak 23, goizeko 10:00etan hasita. Ondorioz, jolas parkea itxita egongo da lanek iraun bitartean.
Arrasateko Udalak izen-emate epea ireki du desfibriladoreak erabiltzeko boluntarioen sarea sortu eta doako formazioa jasotzeko
Arrasate herri kardio-babestua izateko ezinbestekoa izango da herrikideen parte hartzea, boluntarioen sarea sortzeko.
Arrasateko eta Elorrioko udalek euren borondatea adierazi dute, N-636 errepidearen trazadura eraberritzeko lanetan, aukerarik egokiena aztertzeko
Elorrio eta Kanpazar arteko N-636 errepidearen trazadura eraberritzeko, lau alternatiba aurkeztu ziren, eta Gipuzkoako eta Bizkaiko foru aldundiek hautua egin dute proiektu baten alde, baina Elorrioko eta Arrasateko udalen ikuspuntua aintzat hartu barik. Egoera horren aurrean, Arrasateko alkate Maider Morrasek eta Elorrioko alkate Julene Lazkanok adierazpenak egin dituzte Kanpazar gainean.
Arrasateko Kirol Orientazioko Zerbitzuak deialdi irekia egin du maiatzaren 28rako
Proiektua kokatzen da Osasun Ekosistema indartzeko asmoen artean. Deialdiaren hitzordua maiatzaren 28an izango da, 10:30ean Musakolako kiroldegian. Aurrez izena eman beharko da.
Arrasatek ‘Erremontari Herriz Herri’ jaialdian parte hartuko du
Partida irailean izango da Uarkape frontoiaren 25. urteurrenaren ospakizuneko egitarauaren barruan
Herriko ikasleak bildu dira ikasturtean egindako ekintzen balorazioa egiteko
Eskolako 2030 Agenda proiektuan askotariko ekintzak egin dituzte energia eta hiri jasangarriaren alorrean.
Arrasateko Udalak 730 zuhaitz eta zuhaixka landatu ditu urtarril eta otsail artean
Zuhaitz landaketekin batera, basotxoak eta txorko arteko berdegune berriak sortu dira hirigunean, “natura Arrasateko hirigintzan txertatu eta berdatzeko”. Udal korporazioak kokatu ditu aldaketa klimatikoaren arazo globalari tokian tokitik aurre egiteko, eta hirigintza ekologiko eta atseginago baten aldeko politiken artean.