Oraindik plaza libre batzuk daude Hizkuntza Eskola Ofizialaren Arrasateko gela desplazatuan

Aurten ingelesa, frantsesa eta alemana eskainiko dira. Oraindik badaude plaza libreak (frantsesean A1eko taldean- plaza bakarra-,  alemanean B1eko taldean, eta ingelesean A2ko taldean). Gainera, aurten, hizkuntza laguntzailea ere izango da Arrasaten. Hizkuntza laguntzaileak hainbat lurraldetatik etortzen dira bertako irakasleei laguntzeko, batez ere, ahoskera lantzen, eta bide batez, aukera paregabea eskaintzen da haien kultura ezagutzeko. Arrasateren kasuan, hizkuntza laguntzailea hilean behin etorriko da ikasleekin bizipenak partekatzeko.

Matrikulak eta informazio gehiago

Arrasateko gela desplazatua Hezkuntza publikoaren sarean dago, eta Arimazubin dago. Prezioa 72,36 euro da urte osorako klaseena, eta azterketarako bi deialdi daude, maiatzean eta irailean. Agiri ofizialak ematen dira.

Edozein zalantza argitzeko, deitu 943 89 92 75 telefono zenbakira edo idatzi eoieibarheo@gmail.com helbidera.