Musakola eta Zalduspe lotzen dituen pasabidea itxita egongo da bi astez
2018/04/10
Arrasate herri atsegin eta seguruagoa bilakatzeko konpromisoari helduta, Udalak Zalduspeko argindar sarea lurperatzeko lanak egiten dihardu, hain zuzen osasun zentroko gunean
Aipatu eremuan errepidea estua dela eta bertatik hainbat autobus pasatzen direla aintzat hartuta, lanak segurtasunez aurrera eramateko ezinbestekoa da Musakola auzoa eta Zalduspe lotzen dituen pasabide zein espaloi zatia ixtea.
Horrenbestez, bihartik aurrera eta argindar sarea lurperatzeko lanak bukatu arte, bi astez itxiko dira oinezkoentzat aipatu pasabidea zein espaloia.
