Ikerketa abian du Udaltzaingoak

Igande goizaldean Arrasateko taberna bateko komunean agertu zen kamera baten harira, Arrasateko Udalak honako hau jakinarazi nahi du:

• Neska gazte batzuk Arrasateko taberna bateko komunetan aurkitu zuten kamera txiki bat. Tabernariak abisatu eta hauek Udaltzaingoari deitu ostean bertaratu zen Udaltzaingoa tabernara.
• Komunak miatu ostea, kamera gehiagorik ez zegoela baieztatu zuten. Aurkitutako kamera Udaltzaingora eraman zuten.
• Ikerketa fasea ireki du Udaltzaingoak, eta dagokion txostena egiten ari da. Horretarako lekukoen testigantzak ere jasoko ditu Udaltzaingoak.
• Arrasateko Udalak gertakaria “oso larritzat” jo du, eta ikerketa sakona eskatu du.
• Udal Gobernua harremanetan da eragile ezberdinekin, eta udalbatzako gainontzeko alderdi politikoekin, egoeraren berri eman, eta hurrengo urratsak adosteko.