Garagartzan edateko ura banatzeko hoditeria sare osoa berritu da, zuntz zementuzko hodiak ordeztuta
2023/03/31
Arrasateko Udalak edateko ura banatzeko hoditeria sarea berritu du Garagartzan. Sarean zegoen zuntz zementuzko hodia aldatu da.
Obrak edateko uren 800 metro hodi ingururi eragin die, amiantoa (material kaltegarria) zuten zuntz zementuz eginak. Fibrozementua joan den mendean gehien erabilitako materialetako bat izan zen, batez ere isolamenduekin lotutako guztian.
Fagor Etxetresnen lantegi zaharraren aurrealdearen eta Kobateko harrobira sartzeko bidearen arteko zatian egin da obra. Funtsean, luzetarako zanga bat ireki da, eta bertan dagoen zuntz zementuzko hodi guztia aurkitu eta kendu da, galdaketa hodi berri batez ordezkatu ahal izateko.
Victoriano Fuentes Obra eta Zerbitzuetako zinegotziak adierazi duenez, inbertsio horiek "lurpean geratzen dira, eta agian ez dute beste interbentzio estetiko batzuek duten errekonozimendu soziala, baina horrelako obrek Arrasateko biztanleen osasuna zaintzen dute. Inbertsio garrantzitsua da arlo ekonomikoan, baina bereziki arrasatearren ongizatea eta osasun ona bermatzeko”.
Obra irailaren hasieran hasi zen; Bermeosolo SA enpresak egin du, eta aurrekontua izan da 368.844,94 euro + BEZa.