Euskal abizenak euskal grafiaz

2014/03/31
Card image cap
Arrasateko Udalak, bailarako gainontzeko udalekin batera, euskal abizenak euskarazko grafiara moldatzeko kanpaina bat jarri du martxan.

Orain dela urte gutxira arte euskara ofiziala ez izateak euskarazko abizenak (Agirre, Artetxe...) gaztelaniazko grafiaz idaztea ekarri du: Aguirre, Arteche...

Gaur egun, ordea, abizenen euskal grafia ofiziala da eta, hala nahi izanez gero, aldaketa egitea oso erraza da, ez du inolako arazorik sortzen eta bake epaitegiko erregistro zibilean egin daiteke.

Horretarako, nahikoa da bake epaitegira joatea agiri hauekin:

  1. Arrasaten jaiotakoak:
  • NANaren fotokopia.
  • Eskatzailea ezkonduta badago, bikotearekin batera bertaratu behar da.
  1. Arrasatetik kanpo jaiotakoak:
  • NANaren fotokopia.
  • Eskatzailea ezkonduta badago, bikotearekin batera bertaratu behar da.
  • Jaiotza-agiri literala (www.justizia.net –en eskuratu daiteke).

 

Edozein zalantza argitu nahi izanez gero, Euskara Zerbitzuarekin harremanetan jarri eta bertan informatuko zaituzte.