Arrasatek haur parke berriak estreinatu ditu Uriben eta Legarran, eta parkour gune bat Obenerrekan

Arrasatek ikasturtea hasi du haurrentzako parke berri birekin, bata dago Uribe auzoan eta bestea Legarra plazan. Parkour gune berria ere eskuragarri dago Obenerrekan.

Udalak parte hartze prozesu bat jarri zuen martxan martxo hasieran Uribe auzoko eta Legarra plazako haur parkeen diseinu berria aukeratzeko, eta 2.306 arrasatearrek diseinu gogokoenak aukeratu zituzten: Legarra plazarako ‘Erdi Aroko hiria’ irudikatzen duen parkea eta Uribe auzorako ‘kaleidoskopioa'. Udalak instalazio horiek berritu ditu 120.000 euroko inbertsioarekin, BEZa barne.

Parkour parkearen ideia, Arrasateko gizabanakoaren mugimendu ahalmenean oinarritutako lehen parkea, Haurren Kontseiluak 2019an proposatutako ekimenetako bat izan zen. Udalak, eskaera horri erantzunez, 2021ean proiektua egin zuen, eta herritarrek, partaidetzako prozesu, Parkour parkearen eredurik gogokoena aukeratu zuten. Udalak 220.000 euro inbertitu ditu, BEZa barne.

Parkourra, freerunning ere deitua, entrenamendu diziplina bat da, oinarritua gorputzean eta buruan, mugimenduaren, erronken eta esplorazioaren bidez. Korrika egitea, salto egitea, igotzea eta errodatzea bezalako jarduerak konbinatzen ditu, egiten dutenei bidean duten edozein oztopo gainditzen uzteko. Jarduera dibertigarria eta sortzailea da, eta maila guztietako pertsonek hartu dezakete parte: adina, generoa eta gaitasuna. Praktikatzen dutenek beren trebetasunak aztertzen dituzte, eskura duten arkitektura erabiliz, eta erronka berriak eta ingurura egokitzeko modu berriak aurkitzen dituzte etengabe.

Parkeak elementuak ditu jauziak egiteko eta hormak igotzeko, hainbat zutabe eta barandarekin osatuta. Kautxuzko zoladura bat jarri da, gertatu daitezkeen erorikoak arintzeko. Jarduketa osatzeko, saneamendu azpiegiturak egokitu dira euri-urak biltzeko eta argiztapen sistema jasangarri bat ezartzeko. Edateko ur iturri bat ere badago.

Udalak parkour ikastaroa eskainiko du urritik aurrera Lotzen ADD parkourra zabaltzeko elkartearekin elkarlanean. Laster xehetasun gehiago emango dira horri buruz.

Aukeratu Zerrajera kaleko haur parke berria irailaren 30era arte

Udalak Zerrajera kalean dagoen parkea berrituko du udazkenean, Juan Arzamendi Musika Etxearen alboan. Herritarrek 5 proposamenen artean aukeratu ahal izango dute parkearen diseinua, aste honetan abian jarri den partaidetzako prozesuaren bidez, eta zabalik egongo da hilaren 30era arte.

Udalaren helburua da parkea eraberritzeko obraren lizitazio prozesua martxan jartzea 2022ko urrian eta hobekuntza lanak hastea urtearen amaieran.