Antena parabolikoak ezin dira jarri balkoi eta fatxadetan
2016/01/26
Azkenengo urteetan ugaldu egin dira Arrasateko balkoi eta fatxadetan jarritako antena parabolikoak. Horren aurrean Udalak gogorarazi nahi die herritarrei jarduketa horiek indarrean dagoen araudiaren aurka doazela.
Telekomunikazioen legediaren eta hiri antolamenduaren plan orokorraren arabera, antenaparabolikoak jar daitezke, bakarrik, eraikinen estalki edo teilatuetan. Gainera, komunitate osoarentzako izango da antena hori eta, beraz, ezingo du bizilagun bakoitzak bere antena jarri. Plan Orokorrean horrela jasota dago:
158. ARTIKULUA - ANTENAK.
Telebistarako antenak eta satelite eta lur bidezko irrati- eta telebista-seinaleak hartu eta egokitzeko gainerako elementuak eraikineko teilatuan edo antzeko ezaugarriak dituzten beste elementu komun batzuetan jarriko dira.
Horixe izango da antenen kokaleku bakarra, bai eraikin berrietan eta bai lehengo eraikinetan egindako instalazio berrietan.
Komunitate bakoitzean antena bakarra onartuko da.
Horretaz guztiaz gain, antena parabolikoa jartzeko udal baimena eskatu beharko dute interesatuek. Horrela jokatu ezean, jarduketa hori, antena udal baimenik gabe jartzea, alegia, hirigintza arau-haustea izango da eta Udalak dagokion espediente zehatzailea ireki beharko du dagokion erantzukizuna zehazteko.
Hortaz, Udalak dei egiten die herritarrei antenak jarri aurretik udal baimena eska dezaten eta, era berean, ez dezaten balkoi eta leihoetan antenarik jarri.