Abenduaren 9tik aurrera txartela erabili beharko da TxikiTxokoan sartzeko

2024/12/05
Card image cap
Txikitxokoaren erabilera hobetzeari begira, sarbide sistema elektroniko bat instalatu du Udalak atean. Txikitxokora sartzeko, txartel bat erabili beharko da. Dagoeneko, 70 familiatik gora eskuratu dute txartela, eta hurrengo astelehenetik aurrera, abenduak 9, bakarrik sartu ahalko da txartela erabilita.

Txartela eskatu daiteke modu telematikoan hemen edo aurrez-aurre Gazteentzako Informazioko Bulegoan*. Doakoa da, eta 6 urtetik beherako haurrak ardurapean dituzten familia arrasatear guztiek eskuratu dezakete.

Txikitxokoa erabiltzeko txartela eskatzeak, konpromiso hauek dakartza berarekin:

  • 0-6 urte bitarteko haurrekin soilik sartzea, beti heldu batek lagunduta.
  • Errespetuz jardutea gainontzeko erabiltzaileekin eta baita gunea zein materialarekin ere.

Etorkizunean hobekuntza lanak TxikiTxokoan

Udal Gobernua dagoeneko TxikiTxokoaren zerbitzua hobetzeko lanean ari da. Epe laburrean bertako ekipamendua berritzea aurreikusten baitu Udal Gobernuak.

 

*Gazteentzako Informazio Bulegoaren ordutegia:

Goizez: astelehenetik ostiralera: 10:00-14:00

Arratsaldez: astelehen eta ostegunetan: 16:00-19:00