Ohikoak
Albisteak
2024ko aurrekontuaren likidazioa aurkeztu du Udal Gobernuak, eta exekuzio mailarekin pozik agertu da
Gerakinaren zenbateko osoa 16 milioi euro ingurukoa izan bada ere, horietatik 7 milioi inguru 2024an martxan jarri diren eta konprometituta dauden proiektuak finantzatzeko izango dira. Ordea, 9 milioi euroko “soberakinak” bideratuko dira obra garrantzitsuen exekuziorako: Iturripe, Amaia Antzokia, edota Grupo San Juan eta Udala auzoko berrurbanizazioetarako. Soberakina inbertsioetara bideratu izana, eta ez gastu arruntera, “kudeaketa onaren” adierazle dela defendatu du Ezpeletak.
Uarkapeko 246 panel fotovoltaiko berriak energia berriztagarria sortzen hasi dira
Trantsizio energetikorako urrats berri bat da, eta bertan sortutako energia udal eraikin ezberdinetan erabiliko da.
Emakume Txokoak sexu erasoen gaia lantzeko solasaldia antolatu du martxoaren 31n, Kulturaten, Idoia Arraizarekin.
Sexu erasoen zenbait kasuk, salaketak tarteko, oihartzun publiko eta mediatiko handia eragin dute, azkenaldian. Kasu horien atzean dagoen arazoaren konplexutasunak, hausnarketa pausatua egitea eskatzen du eta gaiaren trataera egokia sustatzea, bai mediatikoa zein soziala.
Udalaren webguneak
Oharrak
Trakzio mekanikozko ibilgailuen zerga
Herritar guztiei jakinarazten zaie Udalak 2025eko Trakzio mekanikozko ibilgailuen gaineko zergaren errolda onartu duela.
Onartutakoa 1.615.698,92 € da.
Ordainagiriak ordaintzeko epea 2025/03/21etik 2025/05/23ra izango da.
Ordainagiri helbideratuak 2025/05/23an kobratuko ditugu.
Borondatezko azken egunetik gerora kobratzen diren ordainagiriak premiamenduzko prozeduraz exijituko ditugu.
Arrasate, 2025eko martxoaren 17a,
ALKATEA
2025/03/18
Azoka tasa
Herritar guztiei jakinarazten zaie AZOKA TASA gaineko errolda onartu egin duela Udalak, 2025ko 2. epealdia, MARTXOA-APIRILA.
Onartutakoa 6.892,15 €-koa da.
Ordainagiriak ordaintzeko epea 2025/03/13tik 2025/05/15ra izango da.
Ordainagiri helbideratuak 2025/03/20an kobratuko ditugu.
Borondatezko azken egunetik gerora kobratzen diren ordainagiriak premiamenduzko prozeduraz exijituko ditugu.
Arrasate, 2025eko martxoaren 3a
ALKATEA
2025/03/07