‘Gu geu sortzaile’ eta ‘Olatu berdea’ proiektuak, kooperatibismoa sustatzen duen Mondragon City Challenge txapelketaren II. edizioko irabazleak

Mondragon City Challenge-aren bigarren edizioak, gazteen artean ekintzailetzaren kultura eta balio kooperatiboak sustatzeko nazioarteko txapelketak, amaiera bikaina bizi izan zuen egubakoitz honetan, apirilak 21. Arrasaten egin zuen, nola ez, kooperatibismoaren sorlekuan.

Amaia Antzokia sei taldek beren proiektuak bi kategoria ezberdinetan defendatzen zituzten final baten lekukoa izan zen. Hobekien baloratutako ideiak izan ziren ‘Gu geu sortzaile’, 16-18 urteko irabazlea, Berlinera bidaia bat irabazi zuena; eta ‘Olatu berdea’, 19-24 kategoriako proiekturik onena. Kasu horretan, taldekideak Estatu Batuetara joango dira. Hirugarren sari bat izan zen, proiektu originalena, kasu honetan finalistak ez direnen artean aukeratua, ‘Team smart’. Haren ideiak 800 euroko saria merezi zuen.

Izan ere, nahiz eta egubakoitzean sei proiektu defendatu ziren epaimahaiaren eta jende askoren aurrean, 2022ko irailean abiatu zen Mondragon City Challengearen bigarren edizio honek 108 talde izan ditu, 247 parte hartzailez osatuak. Alemania, Belgika, Malaysia, Tanzania, Ameriketako Estatu Batuak, Kolonbia eta Espainia izan dira Batxilergoko, heziketa zikloetako eta mundu osoko unibertsitate zikloetako ikasleek beren enpresa proiektua garatzea helburu zuen lehiaketan ordezkatutako herrialdeak.

Horietatik 20k (hamarrek kategoria bakoitzean) epaimahai tekniko batek egindako lehen hautaketa bat gainditu zuten. Horri esker, Arrasaten bizi izan dute aste bizia, eta egubakoitzean izan zuten gailurra irabazleen izenak ezagutzera eman zirenean. Astelehenetik, 20 taldeak Arrasaten hartu dituzte txapelketan parte hartzen duten eragile guztiek, hainbat jardueratan parte hartu dute eta enpresa kooperatibo baten funtzionamendua gertutik ezagutu ahal izan dute, egoitzetan hartu dituzten enpresa mentoreei esker.

Egubakoitzean Amaia antzokian egin zen ekitaldia: ikasleek enpresa kudeaketan gaitasunak nola garatu ahal izan dituzten berrestea. Horrela zioen Maria Ubarretxena Arrasateko alkateak, bertaratutako guztiei ongietorria emateko ardura zuenak, eta zoriontzeko eta eskerrak emateko mezu bat helarazi nahi izan zuen: "Bide osoan egindako lana ikusgarria izan da. Irakurri eta aztertu ahal izan ditudan proiektuak kalitate handikoak izan dira, eta horregatik guztioi zorionak eman behar dizkizuet”.

• Eragile sustatzaileak: El Diario Vasco, Arrasateko Udala, Eusko Jaurlaritza, Euskadiko Kooperatiben Goren Kontseilua, Euskadiko Kooperatiben Konfederazioa, Mondragon Korporazioa, Gipuzkoako Foru Aldundia eta Mondragon Unibertsitatea.
• Enpresa mentoreak: Laboral Kutxa, Eroski, Eika, Ecenarro, Rural Kutxa, Erreka, Nergroup, Leartiker eta Dikar.
• Nazioarteko Kooperatiba Aliantza, Eroski, ASEkoop, Saiolan, Azaro Fundazioa, Arizmendiarrietaren Lagunak Elkartea, Garaia Parke Teknologikoa eta Planeta Stem.