Trafiko mozketa eta norabide aldaketa Etxetxikiak kalean, astelehenean, urriak 14

“Azken hilabeteetan kexa ugari jaso ditugu arketen egoera txarrek eragiten duten zaratagatik. Udalak, arketen arduraduna den Iberdrolari eskaera luzatu ostea, datorren astelehenean egingo dituzte konponketa lanak” adierazi dute Udaletik. Ondorioz, errepide zati bat moztu beharko da, eta norabide aldaketak izango dira garajeetako erabiltzaileentzat.

Norabide aldaketa Etxetxikiak eta Gipuzkoa etorbidearen artean

Gipuzkoa etorbidetik Etxetxikiak kalera sartzeko loturak kontrako norabidea izan beharko du bertako erabiltzaileen sarrera eta irteera bermatzeko. Ondorioz, bertatik irten beharko dira lurrazpiko garajeetako (Euskal Herria plaza eta Garibai etorbidea 16, “Villa Amparo” etxea) eta Ertzain etxeko ibilgailu guztiak.

Trafikoaren norabide aldaketa hau behar den bezala seinaleztatuko da Gipuzkoa etorbidean, Etxetxikiak kalean eta Deba etorbidean.

Barkatu itxiera dela-eta sortutako eragozpenak.