Zure arnasketa hobetu crawl estiloan

12/03/2018
Card image cap
Bueltan dator Arrasateko Udaleko Kirola Sailak aurrera daraman “ArraSasoi: hamabi hile, hamaika gai” programa. Martxoan, igeriketari eta uretan izaten ditugu arnasketa arazoei lotutako kurtsoei helduko zaie. Oraingoan ere, Kiroldegiko abonatuei begira egindako saioak izango dira, doan eta parte hartzeko egin behar den gauza bakarra, aurrez izena ematea da

Arrasateko Udaleko Kirola Saileko “ArraSasoi: hamabi hile, hamaika gai” programa bueltan dator eta martxorako proposatu duen ekintza igeriketarekin lotutakoa izango da.Igeri egitean maiz gertatzen da “arnasarik gabe” gelditzea, azkar nekatzea, arnasa kontrolatzen ez dugunaren sentsazioa edukitzea… hau da, igeriketaz ez disfrutatzea eta oztopo bilakatzea. Martxoan, kiroldegiko abonatuentzat, aterako diren kurtsoak arnasketaren kontrolean laguntzea du helburu, lur eremuan automatikoki egiten dugun ekintza, igerian gaudela ere pentsatu gabe egiten ikastea.

Ohikoa den legez, kurtso hauek dohainik izango dira eta bertan parte hartzeko baldintza bakarra aurrez izena ematea izango da. Horretarako, kiroldegiko harreran galdetu eta gehien komeni zaion eguna eta ordua aukeratzearekin nahikoa izango da. Taldeak 10 pertsonakoak izango dira gehienez, ahalik eta zerbitzu indibidualena eman ahal izateko, eta hori dela eta, lehenbailehen izena ematea komeni da.

Abonatuek hiru egun izango dituzte aukeran, nahi duten orduan 30 minutuko klase hauek jasotzeko. Irakasleek, ArraSasoi jarduera honetan, crawl estiloan arnasketa teknika azalduko dute, inspirazio-espirazioak nola egin, apnearen erabilera irakatsiko dute, arnasketari lagunduko dioten keinu eta posizioak… eta sor daitezkeen bestelako kezkei ere nola aurre egin azaltzen saiatuko dira.

NORENTZAT: abonatu guztiak

PREZIOA: Doan

BALDINTZA: Aurrez izena ematea kiroldegiko harreran

IRAUPENA: 30 min.

ORDUTEGI AUKERAK:

  • Martxoak 19 eta 21, 20:15
  • Martxoak 22, 12:00