1.000 euro arteko sariak eskura daitezke 2022ko Gabonetako Erakusleiho Lehiaketan

Gabonak gero eta gertuago ditugu, jada nabari da gabon giroa kaleetan, eta Arrasateko Udalak, herriko saltokietan erosketak sustatzeko helburuz, 2022ko Gabonetako Erakusleihoen Lehiaketa jarri du abian.

Lehiaketan parte hartzeko, establezimenduek abenduaren 11 baino lehen eman beharko dute izena BAZen, udalaren webgunean edo Ibai Arteren webgunean. Erakusleihoak abenduaren 12tik urtarrilaren 6ra egongo dira instalatuta. LED poltsak jarriko dira eskaparateetan parte hartzaileak identifikatzeko.

Herriko establezimendu guztiei dei egiten zaie, batez ere zerbitzuei eta ostalaritzari, lehiaketan parte har dezaten.

Ibai-Arteko ordezkariek, diseinuan aditua den pertsona batek eta udal ordezkariek osatuko dute epaimahaia.

Sariek gorakada nabarmena izan dute, baita bozketan parte hartzen duten herritarrei emandako sariek ere:

1. saria: 1.000 euro

2. saria: 700 euro

3. saria: 600 euro

4. saria: 500 euro

Herritarren saria: 500 euro

Haur eta gazteentzako saria: 500 euro

Herritarren saria ematen dutenen artean 120 euroko bost bonu zozketatuko dira, eta haur eta gazteentzako saria ematen dutenen artean 50 euroko bost bonu, Arrasateko edozein saltokitan gastatzeko.

Herritarrek botoa emateko epea abenduaren 12tik 18ra izango da. Sari banaketa abenduaren 21ean izango da arratsaldeko 5etatik aurrera.

2019an, 1.415 pertsonak bozkatu zuten webgunearen bidez, 1.851k 2020an eta 1.683k 2021ean.

2. Gabonetako leiho eta balkoien lehiaketa

Izena emateko epea abenduaren 18an amaituko da. Herritarrek udal webgunearen bidez bozkatuko dute saria, abenduaren 19tik 25era.

Irabazleak 350 euroko saria jasoko du Arrasateko edozein saltokitan kontsumitzeko eta bozketan parte hartuko dutenen artean 120 euroko bonu bat zozketatuko da herriko merkataritzan gastatzeko. Iaz 8 etxebizitzak hartu zuten parte.