Mondragon City Challengeko bigarren edizioak aukeratu ditu bere 20 partaideak

Mondragon City Challengek dagoeneko baditu bere 20 partaideak bigarren ediziorako. Batxilergoko, heziketa-zikloetako eta unibertsitateko ikasleei zuzendutako Ekintzailetza Kooperatiboko Nazioarteko Txapelketaren helburua da ekintzailetza kooperatiboko jokabideak sustatzea eta gazteak eredu kooperatibora hurbiltzea, antzeko eredu batean oinarritutako enpresa-proiektuak garatuz.

Mondragon City Challengeko bigarren edizioan 7 herrialdetatik (Alemania, Belgika, Malaysia, Tanzania, Ameriketako Estatu Batuak, Kolonbia eta Espainia) etorritako 247 ikaslek (108 talde) parte hartu dute.

Epaimahai teknikoak aukeratu ditu hurrengo fasera igarotzen diren 20 taldeak, eta, beraz, proiektua zehatzago garatzeko aukera izango dute:

16 eta 18 urte bitarteko kategorian:

• KHARTERAX - EUSKADI (GIPUZKOA)
• GU GEU SORTZAILE - EUSKADI (GIPUZKOA)
• E & R S.COOP - EUSKADI (GIPUZKOA)
• ONMA - EUSKADI (GIPUZKOA)
• BIZI-BERRI - EUSKADI (GIPUZKOA)
• AMINA - EUSKADI (GIPUZKOA)
• TEAM SMART - ALEMANIA eta BELGIKA
• ODA - EUSKADI (GIPUZKOA)
• MUGABA KOOPERATIBA - EUSKADI (GIPUZKOA ETA BIZKAIA)
• DESEGOKITUAK – VALENTZIA

19 eta 24 urte bitarteko kategorian:

• ULTRAVOLT – MALASIA
• SALEM GROUP – TANZANIA
• BIKELIFE ACCESS COURIER COOPERATIVES (BLACC) - USA (WORCESTER)
• KOMIDA – KOLONBIA
• GUTEK - EUSKADI ETA NAFARROA
• OLATU BERDEA - EUSKADI (GIPUZKOA)
• BETABOT - EUSKADI (BIZKAIA)
• ESANGO NUKE - EUSKADI (GIPUZKOA)
• U2K - EUSKADI (GIPUZKOA ETA BIZKAIA)
• GERNIKARRAK - EUSKADI (BIZKAIA)

Sailkatutako 20 taldeek otsailaren 6ra arte izango dute epea proiektua garatzeko. Lan guztiek enpresa-proiektu kooperatibo batek planteatzen dituen galderei erantzungo diete.

Aste horietan, parte hartzen duten taldeek antolatzaileek planteatutako mugarrietan oinarrituta garatuko dute beren proiektua. Talde bakoitzak tutore baten laguntza izango du prozesu osoaren jarraipena egiteko eta sor daitezkeen zalantzak edo gaiak argitzeko.

Bidaia bat Estatu Batuetara eta Berlinera jokoan

Mondragon City Challengeko bigarren edizioko talde finalistek honako sari hauek eskuratu ahal izango dituzte:

• 19-24 urte kategoriako talde irabazlea: 7 eguneko bidaia Estatu Batuetara, hegaldia barne, eta txapelketaren ondoren gozatu beharreko ostatua, 2023. urtea amaitu baino lehen.
• 16-18 urteko kategoriako talde irabazlea: 5 eguneko bidaia Berlinera, hegaldia barne, eta txapelketaren ondoren gozatu beharreko ostatua, 2023. urtea amaitu baino lehen.

Gainera, antolatzaileek "Originaltasunaren saria" emango diote lehenengo fasean sailkatutako gainerako 14 taldeen artean berritzaileenari. 800 €-ko sariaren helburua prozesu osoan egindako ahalegina baloratzea da. Indarrean dagoen zerga-atxikipenaren mende egongo da sari ekonomikoa.

Antolatzaileak: El Diario Vasco, Arrasateko Udala, Eusko Jaurlaritza, Kooperatiben Goren Kontseilua, Konfekoop, MONDRAGON Korporazioa, Gipuzkoako Foru Aldundia eta Mondragon Unibertsitatea.