Ferixalekuko eta Gorostizako igogailuak zerbitzuz kanpo egongo dira datozen egunetan

Zapatutik geldirik dago Ferixalekuko igogailua matxura baten ondorioz. “Abisua jaso bezain laster jakinarazi genion matxura zerbitzu teknikoari, eta igogailua ikuskatu ostean, trakzio kablea apurtu dela baieztatu dute. Kablearen hornidura heldu bitartean, eta lanek eskatzen duten denbora kontuan izanda, astebeteko konponketa lanak aurreikusi ditu enpresak; beraz, tarte horretan, itxita jarraituko du igogailuak” adierazi dute Udaletik.

Bizkaia etorbidean dagoen Gorostizako igogailuan, berriz, beheko sarrerako lurrari tratamendu bat aplikatuko zaio, eta, horren ondorioz, itxita egongo da bi egunez bihartik hasita, irailaren 11n eta 12an.