Arrasate eta Bilbo lotzen duten bi autobus zerbitzuen inguruan jakin beharrekoa
2011/05/17
Linea bakoitzak bere funtzionamendu autonomoa du
LURRALDEBUS eta BIZKAIBUS dira dagoeneko Arrasate eta Bilbo lotzen dituzten bi autobus lineak. Lehenengoa Gipuzkoako Foru Aldundiak kudeatzen du, eta bigarrena, aldiz, Bizkaikoak.
Hori dela eta, linea bakoitzak bere funtzionamendu autonomoa du. Horrek esan nahi du bakoitzak bere ordutegia, prezioa, geltokiak, ibilbidea, iraupena, eta abar daukala.
Berezitasunetako bat da LURRALDEBUSeko autobusetan ordaintzeko txartel bakarra erabili behar dela eta BIZKAIBUSeko autobusetan, berriz, creditrans txartela.